ابنائنا ضحيتنا


  • التاريخ : 2017-02-08

  • التحميل :

  • المشاهدة : 30

  • المصدر : موقع زواج

  • الكاتب : م: منى

  • عدد المعجبون :

انا زوجه ملتزمه اخلاقيا وشيك وجميله بشهادة زوجى ولكن زوجى عينه فارغه اوى طول الوقت حاسس نفسه فتى احلام كل البنات حتى بعد ما وصل سن الاربعين لسه بيتصرف مثل المراهقين يقولون لى انها مراهقه متاخرة او ازمه منتصف العمر لكننى اشك انها ازمه العمر كله لى ابن فى سن المراهقه اكتشفت ان ليس له اصدقاء دائما حزين قلت دا ناتج المرحله دى بس لقيته مخنوق وحزين قالى بابا مش مهتم بيا ولا انا حتى فى دماغه انا محدش بيحبنى وانا عاوز اكون صاحب بابا وكل اصحابى بيحكولى عن بابا الصديق ليهم بس انا مليش صديق بجد

وعندما تحدثت مع زوجى قالى انت تبالغى فى الكلام ابنى ميعرفش يقول كل دة ورفض حتى ان يسمع ابنى والان بعد مرور شهور على الموقف فوجئت بزوجى ياتىى من شغله وهو فى منتهى الحزن ومكنتش عارفه فى ايه انتظرت يوم اتنين لقيت الحال على ما هو عليه وقررت ان اتحدث معه قال لى انا اخصائى اجتماعى كما تعلمين ولكننى اشتغل مدرس مادة اخرى قلت له ما الجديد ؟؟ قال لى مديره المدرسه قررت انى اعمل اخصائى اجتماعى في المدرسه لكثرة مشاكل الطلبه وياهول ما سمعت من الطلبه عن مشاكلهم الاسريه التي تسببت فى كوارث فى حياتهم وهنا توقفت ياه انت حسيت بالموضوع دة الان؟ انا بقولك بقالى شهور ولاول مرة الاقيه يبكى ويقول لى اصلح ما افسدته ازاى؟؟؟ حكى لى بلاوى وقال ولكننى اعتقد انى انه صعب الاصلاح  قلت له لا علشان تتعامل مع اولاد الاخرين ابدأ بابنك وسوف ترى حتى لا يكون المثل القائل باب النجار مخلع والان اشعر اننى قد انصفنى الله ولابد يعود زوجى عن ما يفعله لا تصدقون بدأ يتعامل معى بكل احترام وحب اصبح يخاف على مشاعرى امام ابنه كنت اتمنى ان يفهم ذلك من وقت ولكن جاء الوقت ان يفهم كل اب وكل ام ان ابناءا ضحيتنا ولابد ان تحترس من عدم الاحترام لزوجاتنا او ازواجنا لانه يسبب فى ازمه الله اعلم متى وكيف يخرج منها

 




تعليقات