ناقمه على حياتها لماذا ؟؟؟


  • التاريخ : 2016-11-29

  • التحميل :

  • المشاهدة : 145

  • المصدر : موقع زواج سعيد

  • الكاتب : م: منى

  • عدد المعجبون :

اتصلت بى اليوم لتحكى على موال حياتها وتشكو مر الشكوى من حماتها حيث انها تعيش فى بيت العيله رغم ان كل واحد له شقته الا انهم يعيشون فى بيت كبير للعيله الام ست قويه من بتوع زمان بتقول  مفيش فرق بين اولادى كلنا هنا بيت واحد ناكل لقمتنا مع بعض نتعب مع بعض نضحك مع بعض نزعل كمان مع بعض بتقول الست حماتها لازم احافظ على البيت الكبير لان كل واحد بيتجوز يخرج ويعيش لوحدة ومش حاسس باى حاجه ناحيه اخوه لو تعبان لو مدايق بتقولهم كدة كل واحد له خصوصيه فى بيته بس احنا هنا نتجمع على حاجه مشتركه دة بيتنا كلنا،  والست اللي اتصلت بى بتقولى ليه اكل زيهم ولا اعمل زى ماهما عاوزين ولما سئلتها ايه الشئ اللى مدايقك قالت لى انا بنت مثقفه وهما لا وياترى ثقافتك وصلتك لاى سكه ؟؟ قالت اه طول الوقت اقول لحماتى دة علميا غلط ودة صح بتقولى لو عاوزة تعملى الصح تعالى اشتغلى واعملى الصح ...بس الست الشابه الزوجه مش عاوزة تعمل اى حاجه الحماة قررت تقسم الشغل عليهم وهى بتقولى بقى انا اعمل شغل البيت زيهم شئ عجيب؟؟؟؟؟؟؟ انا اتعلمت مش علشان اعمل شغل البيت وكدة سئلتها طيب بتشتغلى ؟؟ قالت طبعا لا مش عاوزة اتبهدل فى المواصلات ....طيب ايه وظيفتك بقى لو انت مش بتشتغلى ؟؟ قالت انا زوجه وام مع انها فى وسط الكلام بتقول حماتى بتاخد دورى فى حاجات كتير يعنى بتهتم باولادى زيادة عن الازم بحيث بنتى تقولى ان تيتا بتعمل كذا تيتا بتاخد بالها منى تيتا تيتا وانا فين كمان تيتا بيتعلموا منها طريقه الكلام وانا مش عجبانى الطريقه دى بس اوقات لما ولادى يقرفونى اقولهم  انزلوا بقى عند تيتا مش هى بدلع يلا تشيل ولما لقيته بيعيط قالت له انزل عند تيتا علشان عاوزة تنام ولا ترتاح منه ..تقول كدة حماتى خلت شكلى وحش قدام جوزى ......بصى انا كسوله اه بس لازم جوزى يتعود عليا بكل عيوبى ومميزاتى ....عجبى عليك يازمن حقيقى عاوزة اعرف رأيكم هى حماتك لو عاوزة تلم الشمل دة حاجه وحشه؟؟؟ لو هى بتحاول تساعدكم دة شئ مش كويس؟؟؟؟ ولا احنا بس لمجرد انها حماتى انا عاوزة اخد ابنها واجرى بعيد عنها؟؟؟ ياريت كمان مشوفش وشها تانى لحد ما ربنا يفتكرها بس لانها مش امى .....بس احب اسمع وجهه النظر لانى من مكالمه الزوجه انا حكمت على حماتها بس مش هقول رأى وعاوزة اعرف ياترى انتم مع ولا ضد الموضوع ؟؟؟ ولا يكون الحكم فى المطلق على الحموات 



تعليقات